Корея Республикаси ва АҚШ Корея ярим ороли жанубидаги THAAD зенит ракета мажмуаси ёрдамида қўлга киритилган маълумотни Япония билан бўлишмайди. Бу ҳақда Жанубий Корея ҳукуматидаги манбасига таяниб, «Рёнхап» маълум қилди, деб ёзади «ТАСС».
«АҚШ, Жанубий Корея ва Япония ўртасидаги ахборот алмашиш ҳақидаги уч томонлама келишувга биноан, улар Пхеньяннинг ракета-ядро дастурига алоқадор ҳар қандай маълумотлар билан бўлишишга мажбур. Бироқ THAAD радари ёрдамида олинган ахборот Токиога юборилмайди», — деди мансабдор.
Унинг сўзларига кўра, ракетанинг ҳолати ҳақидаги маълумот билан парвознинг сўнгги босқичида бўлишиш «маънога эга эмас».
Манбанинг таъкидлашича, THAAD мажмуасининг Жанубий Кореяга жойлаштирилиши йилига тахминан 35 миллион долларга тушади.
Изоҳ (0)