Ҳар бир шаҳарнинг ўз муаммолари бор. Қаердадир чиқиндиларни эплай олишмаса, яна бирида транспорт тирбандлиги муаммо. Дубай шаҳрида эса тураргоҳларда эгалари ташлаб кетган дунёнинг энг қимматбаҳо ва ҳашаматли автомобиллари чанг босиб ётибди, деб ёзади Top Tales.
Гап шундаки, Дубай — дунёнинг энг йирик молиявий марказларидан бири. Бу ерда улкан суммали олди-сотдилар амалга оширилади. Ва, табиийки, статусни сақлаб туриш учун энг қимматбаҳо автомобилга эга бўлиш заруратга айланади.
Аммо сармоя киритиб, банкрот бўлиб қолиш ҳам мумкин, ахир ғолиблар бўлган жойда мағлублар ҳам бўлади.
Шу тариқа, банклардан олинган катта-катта қарзларни тўлай олмаслигини тушунган одамлар барчасини ташлаб, мамлакатдан қочиб кетади.
Баъзилар автомобиль олд ойнасида банк ҳужжатлари ва ўз узрномаларини қолдиради.
Ташландиқ автомобилларнинг барчасини эса кимошди савдосида сотишади.
Изоҳ (0)