Талабаликка даъвогар 663 минг абитуриент, iPhone 7 нинг янги суратлари, Криштиану Роналду меҳмонхонаси ва куннинг бошқа муҳим янгиликлари

21 июлнинг эътиборга молик янгиликлари — «Дарё»нинг кечки дайжестида.

1. Ўзбекистон олий таълим муассасаларига рекорд даражада кўп — 663 298 нафар абитуриент ҳужжат топширди. Бу ўтган йилги натижадан 57,5 мингтага кўп.

2. Туркияда фавқулодда ҳолат кучга кирди. Германия ташқи ишлар вазири эса Туркиядан фавқулодда ҳолат режимини иложи борича тезроқ бекор қилишни сўради.

3. 14 та мамлакат Россия олимпия терма жамоасининг Рио—2016 да иштирок этмаслигини талаб қилиб чиқди. Халқаро Арбитраж Суди эса россиялик енгил атлетикачиларнинг Рио—2016 да иштирок этиш истагини рад этди.

4. Инсайдерлар экрани ёқилган iPhone 7 фотоларини намойиш этди. Фотосурат асосий савол — iPhone 7 3,5 миллиметрли портдан маҳрум бўлиб, унинг ўрнида иккинчи динамик пайдо бўлиши ёки йўқлигига жавоб бермайди.

5. Криштиану Роналду Мадейра оролларида ўзининг беш юлдузли меҳмонхонасини ишга туширди. Меҳмонхонада қўним топиш суткасига 215 евродан 700 еврога қадар бўлади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.