Канаданинг Charlottetown 18 фрегати (уч мачтали елканли ҳарбий кема) 18 июль куни Қора денгиз акваториясига кирди, у ерда 2 августгача бўлиб туради. Бу ҳақда Канада мудофаа вазирлигига таяниб, «ТАСС» хабар берди.
Таъкидланишича, кема бошқа НАТО мамлакатлари кемалари билан биргаликда турли манёврларни машқ қилади. «Бундан ташқари, Charlottetown дипломатик ва ҳарбий алоқаларни мустаҳкамлаш учун Канадага иттифоқдош мамлакатлар портларига киради», — дейилади вазирлик хабарида.
«Charlottetown фрегатининг Қора денгизга жойлаштирилиши Канада Қуролли кучларининг денгиз акваториясида инқироз ва низоларга тезкорлик билан жавоб қайтариш ҳамда биргаликда операциялар ўтказиш учун НАТО мамлакатлари денгиз салоҳиятини мустаҳкамлаш тарафдори эканлигини кўрсатиб беради», — деди Канада Қуролли кучлари генерал-полковниги Стивен Боус.
Канаданинг ушбу турдаги кемалари шахсий таркиби 250 кишига етади. Улар, шунингдек, CH-124 Sea King палуба вертолётларини олиб юради.
Изоҳ (0)