Туркия пойтахти прокуратураси мамлакатда ҳарбий тўнтаришга уриниш оқибатида 60 киши қурбон бўлганлигини маълум қилди. Бу ҳақда маҳаллий ОАВ маълумотига таяниб, «Интерфакс» хабар бермоқда.
Туркиянинг Anadolu ахборот агентлиги маълум қилишича, Туркия пойтахти Анқарада қурбон бўлган 42 кишидан 17 нафари полиция офицери бўлган.
Аввалроқ ҳарбий исёнчилар парламент ва бошқа бир қатор муассасалар биносини бомбардимон қилган пойтахтда 42 киши, шунингдек, Истанбулдаги тўқнашувларда яна олти киши ҳалок бўлганлиги маълум қилинган эди.
ОАВ хабарларида қурбонлар ҳарбийлар билан бирга тинч аҳоли орасида ҳам бор эканлиги кўрсатилмоқда.
Туркия бош вазири Бинали Йилдирим 130 нафар ҳарбий исёнчининг ҳибсга олинганлиги, шунингдек, ҳарбий тўнтаришга уринишда иштирок этган генераллардан бири ўлдирилганлигини маълум қилди.
Изоҳ (0)