Япониянинг Toyoko-Inn компанияси Тошкентдаги «Чорсу» меҳмонхонасини таъмирлаш ва фойдаланишга қизиқиш билдирмоқда. Бошқарув аъзоси К. Моринака бошчилигидаги компания вакиллари 12—14 июль кунлари шу мақсадда Ўзбекистонда бўлди. Бу ҳақда «Ўзбектуризм» миллий компанияси матбуот хизмати маълум қилди, дея хабар бермоқда «Газета.uz».
Toyoko-Inn Франция, Жанубий Корея, Филиппин ва Камбоджада 200 дан ортиқ меҳмонхонага эга. Шунингдек, Франкфурт, Москва, Нью-Йорк, Чикаго ва Торонтода янги меҳмонхоналар қурмоқда ва мавжудларини таъмирламоқда.
450 номерга эга 23-қаватли «Чорсу»ни Тошкент рамзларидан бири дейиш мумкин. Меҳмонхона шу номли майдонда 1982 йилда бунёд этилган. 2000 йиллар бошларида реконструцияга ёпилган, Туркия ва Жанубий Корея компаниялари бунга қизиқиш билдирган, бироқ таъмирлаш ишлари амалга оширилмаганди.
Изоҳ (0)