Ўзбекистоннинг аксарият ҳудудларида 15 июлга ўтар кечаси ва 15 июль куни кундузи ёғингарчилик ва кучли шамол кутилмайди. Бу ҳақда «Ўзгидромет» маркази хабар бермоқда.
Хабар беришларича, 15 июлга ўтар кечаси Ўзбекистоннинг тоғли ҳудудларида ҳаво ҳарорати +10...+15 даража, Тошкент шаҳрида +20...+22 даража, мамлакатнинг қолган ҳудудларида +20...+25 даража илиқ бўлади.
Жума куни кундузи тоғли жойларда ҳаво ҳарорати +20...+25 даражагача илиқ бўлади, Фарғона водийси вилоятлари ва Тошкент шаҳрида эса +35 даражагача кўтарилиши кутилмоқда.
Қорақалпоғистон Республикаси, Хоразм, Тошкент, Самарқанд, Жиззах, Сирдарё вилоятларида 15 июль куни кундузи ҳаво ҳарорати +38 даражагача, Бухоро, Навоий, Қашқадарё ва Сурхондарё вилоятларида эса +39 даражагача кўтарилиши кутилмоқда.
15 июлга ўтар кечаси ва 15 июль куни кундузи Ўзбекистоннинг тоғли ҳудудларида қисқа муддатли ёмғир ёғиши ва момақалдироқ бўлиши эҳтимоли бор.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)