Корея Республикаси делегацияси 2016 йилнинг 13 июль куни Тошкент шаҳридаги Инҳа университетига ташриф буюрди. Ташриф Эркин ва очиқ дастурий таъминот масалалари бўйича Ўзбекистон-Корея форуми доирасида ташкил этилди, деб ёзади университет матбуот хизмати.
Эркин ва очиқ дастурий таъминот масалалари бўйича Ўзбекистон-Корея форуми 13 июлдан 15 июлга қадар бўлиб ўтади. Форум доирасида бир қатор муҳокамалар ва давра суҳбатлари ўтказилади.
Форум Ахборот технологиялари ва коммуникацияларини ривожлантириш вазирлиги, Корея IT-саноатини рағбатлантириш миллий агентлиги (NIPА), Корея Савдо ва Инвестицияларни қўллаб-қувватлаш агентлиги (КОТRА), «Электрон ҳукумат» тизимини ривожлантириш маркази, Тошкент ахборот технологиялари университети ва Тошкент шаҳридаги Инҳа университети томонидан ташкил этилди.
Форумда иштирок этиш учун NIPA, Bridgesoft, Publion, Cubrid, Корея Эркин ва очиқ дастурий таъминотни ривожлантириш уюшмаси, Кorea Small & Medium IT Business Export Cooperative ва бошқаларни ўз ичига олган делегация Ўзбекистонга етиб келди.
13 июль куни Корея делегацияси Тошкент ахборот технологиялари университети ва Тошкент шаҳридаги Инҳа университетига ташриф буюрди.
Тошкент шаҳридаги Инҳа университетида давлат вакиллари ва хусусий тармоқ вакиллари, ҳамда талабалар иштирок этди. Муҳокамаларда Корея делегацияси бепул маълумотлар базаси ва таълим учун Moodle тизимини тақдим этди.
Изоҳ (0)