Yaponiyaning Toyoko-Inn kompaniyasi Toshkentdagi “Chorsu” mehmonxonasini ta’mirlash va foydalanishga qiziqish bildirmoqda. Boshqaruv a’zosi K. Morinaka boshchiligidagi kompaniya vakillari 12—14-iyul kunlari shu maqsadda O‘zbekistonda bo‘ldi. Bu haqda “O‘zbekturizm” milliy kompaniyasi matbuot xizmati ma’lum qildi, deya xabar bermoqda “Gazeta.uz”.
Toyoko-Inn Fransiya, Janubiy Koreya, Filippin va Kambodjada 200 dan ortiq mehmonxonaga ega. Shuningdek, Frankfurt, Moskva, Nyu-York, Chikago va Torontoda yangi mehmonxonalar qurmoqda va mavjudlarini ta’mirlamoqda.
450 nomerga ega 23-qavatli “Chorsu”ni Toshkent ramzlaridan biri deyish mumkin. Mehmonxona shu nomli maydonda 1982-yilda bunyod etilgan. 2000-yillar boshlarida rekonstrutsiyaga yopilgan, Turkiya va Janubiy Koreya kompaniyalari bunga qiziqish bildirgan, biroq ta’mirlash ishlari amalga oshirilmagandi.
Izoh (0)