АҚШдаги Стэнфорд савдо марказида соқчи робот 16 ойлик боланинг бошига зарба берди, сўнг унинг оёғини босиб ўтиб кетди, деб ёзади «Корреспондент.net».
Knightscope K5 роботи модели ўзига топширилган ҳудудни қўриқлаши учун яратилган. Машинанинг баландлиги бир ярим метр, оғирлиги 140 килограммга етади.
«Робот ўғлимнинг бошига урди, натижада бола ерга юзи билан йиқилди, бу ҳиссиз темир эса тўхтамасдан, унинг оёғини босиб ўтиб кетди», — дея сўзлаб берди жабрланган боланинг онаси.
Маълумотларга кўра, робот савдо марказига ўтган йили ишга қабул қилинган. У датчик ва камералар билан жиҳозланган бўлиб, ўта шовқин-суронга реакция кўрсатади ва ноодатий хатти-ҳаракатни илғайди.
Айни пайтда корхона савдо марказига ташриф буюрувчи ёш болаларни хавфдан холи қилиш мақсадида қандай чораларни кўриш ҳақида бир қарорга келганича йўқ.
Изоҳ (0)