Тошкентда LG Stylus 2 смартфони 1,3 миллион сўмдан таклиф этилмоқда

LG Electronics Ўзбекистондаги смартфонлари ассортиментини Stylus 2 модели билан кенгайтирди. Бу ҳақда «Mobinfo.uz» хабар бермоқда.

Смартфон резина материалли аналогларига қараганда матнни аниқроқ ёзиш имконини берадиган наноқопламали махсус стилус билан жиҳозланган. Янгилик Android 6.0 Marshmallow операцион тизими асосида ишлайди, ажрата олиши 1280х720 пикселли 5,7 дюмли дисплей, 4 ядроли процессор (1,2 гигагерц частота, 1,5 гигабайт тезкор ва 16 гигабайт қўшимча хотира), 3000 мА/соат қувватли аккумулятор, 13 мегапикселли асосий ва 8 мегапикселли олд камерага эга. Смартфон оғирлиги 145 грамм, қалинлиги 7,4 миллиметр, LTE тармоғида ҳам ишлайди. 

LG Stylus 2 учун махсус функциялар ишлаб чиқилди. Улар қаторига Pen Pop (тезда ўзгартириш менюсини ёқиш), Pen Keeper (дисплейда пайдо бўладиган хабарлар ёрдамида стилус йўқолишининг олдини олиш) дастурларини киритиш мумкин.

Смартфон Тошкентда 1,3 миллион сўмдан таклиф этилмоқда.

Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.