Истеъмолчилар талаб ва таклифларни инобатга олиб «O‘zimizniki» сутини ишлаб чиқарувчи корхона менежери бир гуруҳ истеъмолчиларни ишлаб чиқариш жараёни билан яқиндан таништирди ва корхона бўйлаб саёҳат уюштирди. Юқоридаги танишув ва саёҳатни сиз билан ўртоқлашишга қарор қилдик.
Насрулло Иноятов (истеъмолчи): Корхонага ташриф буюришдан аввал биз шароитлар бу даражада деб ўйламагандик, бу ердаги зотдор сигирларни парваришланишини, уларнинг озуқа рационини кўриб, ишлаб чиқариш жараёнлари билан яқиндан танишиб, ишчи ходимларга яратилган шароитларни кўриб ҳамда ишлаб чиқариш жараёнлар билан тўлиқ танишиб чиқиб бир нечта савол билан юзланмоқчиман.
Насрулло Иноятов (истеъмолчи): Нима учун маҳсулот брендингизни «O‘zimizniki» деб номлагансиз?
Бахтиёр Анваров (менежер): Биринчидан, ишлаб чиқараётган маҳсулотимизни шундай номланишига асосий сабаб, ўзимизнинг экин ер майдонимизда асосий хом ашёларни ўзимиз етиштирамиз. Иккинчидан, ўзимизда етиштирилган қишлоқ хўжалик маҳсулотларини юқорида ўзингиз гувоҳ бўлган ўзимизнинг чорва комплексимизда, зотдор сигирларимизни озиқлантириб хом табиий сут етиштирамиз. Учинчидан, чорва комплексимизда жойлашган ўзимизнинг замонавий сут ишлаб чиқариш технологияларида малакали ўзимизнинг мутахассисларимиз иштирокида миллий қадоқланган маҳсулот ишлаб чиқарамиз. Фикримизча, юқоридаги ёрқин мисоллар маҳсулотимизни «O‘zimizniki» деб номлашимизга асос бўла олади.
Қобилжон Турсунов (истеъмолчи): Чорва комлексингизда қанча зотдор сигирларингиз бор ва ушбу сигирларни озиқлантириш учун қанча ер майдонига эгасиз, шунингдек, ишлаб чиқариш корхонангиз ва бино иншоотларингиз майдони қанча?
Бахтиёр Анваров (менежер): Бугунги кунга келиб зотдор соғин сигирларимиз сони 1000 тага етди, бузоқчалар сони 600 тадан ортиқ. Экин ер майдонига келадиган бўлсак сигирларимизни озиқлантириш учун 150 гектар суғориладиган ер майдонларимиз бор, шунингдек, ишлаб чиқариш корхонамизнинг умумий майдони 6 гектар, шундан бино иншоотларимиз 10488 квадрат метрни ташкил қилади.
Қобилжон Турсунов (истеъмолчи): Ишлаб чиқариш жараёнларини ва маҳсулотнинг сифатини қандай назорат қиласиз?
Бахтиёр Анваров (менежер): Етиштирилган қишлоқ хўжалиги маҳсулотлари, жумладан, хом сут ва қадоқланган «O‘zimizniki» сут маҳсулотларини белгиланган давлат стантдардларига мувофиқлиги жараёнларини ўз касбини усталари, малакали ва етук мутахассисларимиз томонидан назоратга олинган бўлиб, улар ҳар бир маҳсулотнинг сифати ва ишлаб чиқариш жараёнларига жавоб берадилар.
Шакирзанова Камила (истеъмолчи): Сутни қадоқлаш жараёнларида яна қандайдир воситалар (кимёвий ва бошқа табиий) воситалар қўшиладими?
Бахтиёр Анваров (менежер): Ишлаб чиқараётган «O‘zimizniki» сут маҳсулотимиз 100% табиий ҳисобланади. Сутни соғишдан то қадоқлашгача бўлган жараёнларда ҳеч қандай кимёвий ва бошқа воситалардан фойдаланмаймиз!
Исломбек Қутфитдинов (истеъмолчи): Юқорида биз гувоҳ бўлган асосий воситаларингизнинг қиймати қанча?
Бахтиёр Анваров (менежер): Асосий воситаларимизнинг умумий қиймати бугунги кунга келиб бозор қийматида 20 миллиард сўмни ташкил қилади.
Толибжон Усманов (истеъмолчи): Анчадан буён уйда чорвачилик билан шуғулланаман. Ҳаммамизга маълумки, сигиримиз пиёз еб қўйса, сутнинг таъмига таъсир қилади, бу жараёнлар сизларда ҳам кузатилганми?
Бахтиёр Анваров (менежер): (кулиб) Энг яхши саволлардан бири бўлди, деб ўйлайман, юқорида айтиб ўтганимиздек, бизда барча жараёнлар «занжири» малакали ва етук ходимларимиз томонидан тўлиқ назоратга олинганлиги учун бундай жараёнлар ҳеч қачон кузатилмаган. Бундан ташқари, зотдор сигирларимизни парвариши билан шуғулланаётган мутахассисларимиз бераётган озуқасини назоратдан ўтказгандан сўнг истеъмол учун беради. (Бизнинг чорва комплексимизга пиёз маҳсулоти киритилмайди).
Камалов Акбар (истеъмолчи): Юқорида таъкидлаб ўтдингиз, барча жараёнлар, жумладан сигирлар озуқасини ишлаб чиқаришдан то энг замонавий технологияларда қадоқлангунча бир жойда амалга оширилар экан. Шундан келиб чиқиб, қадоқланган сут ишлаб чиқариш учун бошқа фермер хўжаликари ва аҳолидан сут сотиб олиб ишлаб чиқарсангиз, маҳсулотингизни сифати ва мазаси қандай бўлади?
Бахтиёр Анваров (менежер): Энг асосий сутнинг мазаси ва сифатига зотдор сигирларнинг истеъмол қилган озуқасига боғлиқ бўлади. Агар биз бошқа фермер хўжаликлари ва аҳолидан сут сотиб олсак, уларнинг сигири номақбул (масалан пиёз) озуқаларни истеъмол қилган бўлса, бундай мазали ва сифатли қадоқланган сут ишлаб чиқариб бўлмайди. Шунинг учун бизнинг фермер хўжалиги қишлоқ хўжалиги озуқалари етиштириб, зотдор сигирларга бериб ва сигирлардан сутни соғиб олиб кейин қадоқланган сут ишлаб чиқариб мазали ва сифатли «O‘zimizniki» сутларини ишлаб чиқаришни шундангина мумкинлигини ҳисобга олиб, бундай чорва комплекс лойиҳасини барпо этганмиз!
Иргашев Алишер (истеъмолчи): Келажакда корхонангиз томонидан «O‘zimizniki» сутларидан ташқари бошқа турдаги сут маҳсулотларини ҳам ишлаб чиқариш режалаштирилганми?
Бахтиёр Анваров (менежер): Келажакда корхонамизда сариёғ, сутли коктейль, сутли шоколад ва шу каби маҳсулотларни ишлаб чиқаришни режалаштирганмиз.
Тадаева Иляна (истеъмолчи): Нима учун сизлар ишлаб чиқараётган «O‘zimizniki» сутлари мазали ва ширин?
Бахтиёр Анваров (менежер): Сутни мазали ва ширин бўлиши учун сигирлар истеъмол қилаётган кунлик озуқаси ҳам мазали бўлиши керак. Биз сигирларимизга табиий ва тўйимли озуқаларни берамиз. Шунинг учун доимо «O‘zimizniki» сутлари мазали ва ширин.
Насрулло Иноятов (истеъмолчи): Фермер хўжалигингиз ва ишлаб чиқариш корхонангизни ташкил этилишини ҳуқуқий асослари ҳақида гапириб берсангиз?
Бахтиёр Анваров (менежер): Фермер хўжалигимиз Ўзбекистон Республикаси Президентининг 2008 йил 21 апрелдаги «Шахсий ёрдамчи, деҳқон ва фермер хўжаликларида чорва моллар кўпайтиришни рағбатлантиришни кучайтириш ҳамда чорвачилик маҳсулотлари ишлаб чиқаришни кенгайтириш борасидаги қўшимча чора-тадбирлар тўғрисида» ги ПҚ-842-сон қарори ижросини таъминлаш мақсадида ташкил этилган.
Бисеров Арслан (истеъмолчи): Мана маҳсулотингиз кундан-кунга ўз харидорларини топиб оммалашиб бормоқда! Маҳсулотни янада оммалаштириш мақсадида қандайдир акциялар бўладими ва бугунгидек истеъмолчилар билан учрашувлар режалаштирилганми?
Бахтиёр Анваров (менежер): Савол учун катта раҳмат. Ҳозирги кунда корхонамиз маркетологлари томонидан турли хилдаги акцияларни лойиҳалари устида ишланмоқда. Тез кунда биз ўз истеъмолчиларимизга катта туҳфаларни тақдим этишни режалаштирганмиз. Истеъмолчилар учун эса ҳар доим эшигимиз очиқ. Фаолиятимиз билан яқиндан танишишни истаганлар учун ҳар ойда шундай ишлаб чиқариш билан танишув ва саёҳат ташкил этганмиз.
Бахтиёр Анваров (менежер): Ҳурматли корхонамиз меҳмонлари аввало Сизларни корхонамизда хуш кўрдик. Рухсатингиз билан келгусидаги иш фаолиятимизни янада яхшилаш, ишчи ходимларимиз ўртасида соғлом рақобат муҳитини яхшилаш, ишлаб чиқараётган маҳсулотимиз сифатини янада яхшилаш ҳамда мамлакатимиз ва жаҳон бозорида ўз муносиб ўрнимизни топиш мақсадида Сизлардан бугунги ишлаб чиқариш жараёни билан танишиш ва корхонамиз бўйлаб уюштирилган саёҳатингиз ҳақида фикр мулоҳазаларингизни билмоқчи эдик.
Толиб Усманов (истеъмолчи): Сўнги сўз ўрнида ўзим бугунги ишлаб чиқариш жараёнидан шахсан мамнунлигимни таъкидламоқчиман. Аввало озиқ-овқат маҳсулотларини ишлаб чиқариш учун энг керакли бўлган барча гигиеник талабларга тўлиқ амал қилиниши, ишлаб чиқаришдаги кадрларни ёшлиги ва энг асосийси барчаси ўз ишига сидқидилдан ва виждонан ёндашуви, ходимлар учун яратилган шароитлар, уларнинг дам олиши ва ўз устида ишлаши учун алоҳида замонавий компьютер жиҳозлари билан таъминланган хоналарнинг мавжудлиги, ишчи ходимлар ўртасидаги муносабатни кўриб тўғриси ҳавасим келди. Қанийди имкон бўлганида инсон омили биринчи ўринга қўйилган мана шундай корхонада ишласам.
Исломбек Қутфитдинов (истеъмолчи): Юқоридаги шеригимни гапларига қўшилган ҳолда бир нарсани таъкидламоқчиман, ишлаб чиқариш корхонаси ва фермер хўжалиги фаолияти билан танишиб шу нарсага амин бўлдимки, ишлаб чиқарилаётган сутлар бежизга «O‘zimizniki» деб номланмаган экан. Барча жараёнлар, қишлоқ хўжалиги маҳсулотларини экишдан бошлаб савдо расталарига маҳсулотни еткизилгунча бўлган жараёнлар тўлиқ назоратга олингани, сут ишлаб чиқаришдаги барча жараёнлар замонавий автоматлаштирилган технологиялар билан жиҳозланганлиги ҳамда энг асосийси юқоридаги барча жараёнлар битта жойда жойлашган йирик комплексда амалга оширилиши мени қувонтирди. Авваллари бундайин йирик комплексни кўрмагандим.
Қобилжон Турсунов (истеъмолчи): Истеъмолчилар гапларини тўлдирган ҳолда шуни айтиб ўтмоқчиман, корхонадаги зотдор сигирларга берилаётган эътиборни кўриб лол қолдим тўғриси, янги туғилган бузоқчаларни то соғин сигир бўлгунга қадар ҳар бирига алоҳида рацион асосида озуқа билан таъминланиши, сигирларнинг соғин хоналари энг замонавий компьютер технологиялари борлиги қолаверса ҳар бир бузоқча, сигир ва буқалар махсус электрон чиплар билан таъминланганлиги, барчасининг паспорти юритилиши, уларнинг соғлиғи, вазни, агар кассалланган бўлса у ҳақдаги маълумотларни марказлашган компьютер тизимида кўриниши менда ўзгача таассурот қолдирди. Ишонч билан айта оламанки, «O‘zimizniki» сутлари албатта сифатли ва шириндир.
Реклама ҳуқуқи асосида. Маҳсулот сертификатланган
Изоҳ (0)