Iste’molchilar talab va takliflarni inobatga olib “O‘zimizniki” sutini ishlab chiqaruvchi korxona menejeri bir guruh iste’molchilarni ishlab chiqarish jarayoni bilan yaqindan tanishtirdi va korxona bo‘ylab sayohat uyushtirdi. Yuqoridagi tanishuv va sayohatni siz bilan o‘rtoqlashishga qaror qildik.
Nasrullo Inoyatov (iste’molchi): Korxonaga tashrif buyurishdan avval biz sharoitlar bu darajada deb o‘ylamagandik, bu yerdagi zotdor sigirlarni parvarishlanishini, ularning ozuqa ratsionini ko‘rib, ishlab chiqarish jarayonlari bilan yaqindan tanishib, ishchi xodimlarga yaratilgan sharoitlarni ko‘rib hamda ishlab chiqarish jarayonlar bilan to‘liq tanishib chiqib bir nechta savol bilan yuzlanmoqchiman.
Nasrullo Inoyatov (iste’molchi): Nima uchun mahsulot brendingizni “O‘zimizniki” deb nomlagansiz?
Baxtiyor Anvarov (menejer): Birinchidan, ishlab chiqarayotgan mahsulotimizni shunday nomlanishiga asosiy sabab, o‘zimizning ekin yer maydonimizda asosiy xomashyolarni o‘zimiz yetishtiramiz. Ikkinchidan, o‘zimizda yetishtirilgan qishloq xo‘jalik mahsulotlarini yuqorida o‘zingiz guvoh bo‘lgan o‘zimizning chorva kompleksimizda, zotdor sigirlarimizni oziqlantirib xom tabiiy sut yetishtiramiz. Uchinchidan, chorva kompleksimizda joylashgan o‘zimizning zamonaviy sut ishlab chiqarish texnologiyalarida malakali o‘zimizning mutaxassislarimiz ishtirokida milliy qadoqlangan mahsulot ishlab chiqaramiz. Fikrimizcha, yuqoridagi yorqin misollar mahsulotimizni “O‘zimizniki” deb nomlashimizga asos bo‘la oladi.
Qobiljon Tursunov (iste’molchi): Chorva komleksingizda qancha zotdor sigirlaringiz bor va ushbu sigirlarni oziqlantirish uchun qancha yer maydoniga egasiz, shuningdek, ishlab chiqarish korxonangiz va bino inshootlaringiz maydoni qancha?
Baxtiyor Anvarov (menejer): Bugungi kunga kelib zotdor sog‘in sigirlarimiz soni 1000 taga yetdi, buzoqchalar soni 600 tadan ortiq. Ekin yer maydoniga keladigan bo‘lsak sigirlarimizni oziqlantirish uchun 150 gektar sug‘oriladigan yer maydonlarimiz bor, shuningdek, ishlab chiqarish korxonamizning umumiy maydoni 6 gektar, shundan bino inshootlarimiz 10488 kvadrat metrni tashkil qiladi.
Qobiljon Tursunov (iste’molchi): Ishlab chiqarish jarayonlarini va mahsulotning sifatini qanday nazorat qilasiz?
Baxtiyor Anvarov (menejer): Yetishtirilgan qishloq xo‘jaligi mahsulotlari, jumladan, xom sut va qadoqlangan “O‘zimizniki” sut mahsulotlarini belgilangan davlat stantdardlariga muvofiqligi jarayonlarini o‘z kasbini ustalari, malakali va yetuk mutaxassislarimiz tomonidan nazoratga olingan bo‘lib, ular har bir mahsulotning sifati va ishlab chiqarish jarayonlariga javob beradilar.
Shakirzanova Kamila (iste’molchi): Sutni qadoqlash jarayonlarida yana qandaydir vositalar (kimyoviy va boshqa tabiiy) vositalar qo‘shiladimi?
Baxtiyor Anvarov (menejer): Ishlab chiqarayotgan “O‘zimizniki” sut mahsulotimiz 100% tabiiy hisoblanadi. Sutni sog‘ishdan to qadoqlashgacha bo‘lgan jarayonlarda hech qanday kimyoviy va boshqa vositalardan foydalanmaymiz!
Islombek Qutfitdinov (iste’molchi): Yuqorida biz guvoh bo‘lgan asosiy vositalaringizning qiymati qancha?
Baxtiyor Anvarov (menejer): Asosiy vositalarimizning umumiy qiymati bugungi kunga kelib bozor qiymatida 20 milliard so‘mni tashkil qiladi.
Tolibjon Usmanov (iste’molchi): Anchadan buyon uyda chorvachilik bilan shug‘ullanaman. Hammamizga ma’lumki, sigirimiz piyoz yeb qo‘ysa sutning ta’miga ta’sir qiladi, bu jarayonlar sizlarda ham kuzatilganmi?
Baxtiyor Anvarov (menejer): (kulib) Eng yaxshi savollardan biri bo‘ldi, deb o‘ylayman, yuqorida aytib o‘tganimizdek, bizda barcha jarayonlar “zanjiri” malakali va yetuk xodimlarimiz tomonidan to‘liq nazoratga olinganligi uchun bunday jarayonlar hech qachon kuzatilmagan. Bundan tashqari, zotdor sigirlarimizni parvarishi bilan shug‘ullanayotgan mutaxassislarimiz berayotgan ozuqasini nazoratdan o‘tkazgandan so‘ng iste’mol uchun beradi. (Bizning chorva kompleksimizga piyoz mahsuloti kiritilmaydi).
Kamalov Akbar (iste’molchi): Yuqorida ta’kidlab o‘tdingiz, barcha jarayonlar, jumladan sigirlar ozuqasini ishlab chiqarishdan to eng zamonaviy texnologiyalarda qadoqlanguncha bir joyda amalga oshirilar ekan. Shundan kelib chiqib, qadoqlangan sut ishlab chiqarish uchun boshqa fermer xo‘jalikari va aholidan sut sotib olib ishlab chiqarsangiz, mahsulotingizni sifati va mazasi qanday bo‘ladi?
Baxtiyor Anvarov (menejer): Eng asosiy sutning mazasi va sifatiga zotdor sigirlarning iste’mol qilgan ozuqasiga bog‘liq bo‘ladi. Agar biz boshqa fermer xo‘jaliklari va aholidan sut sotib olsak, ularning sigiri nomaqbul (masalan piyoz) ozuqalarni iste’mol qilgan bo‘lsa, bunday mazali va sifatli qadoqlangan sut ishlab chiqarib bo‘lmaydi. Shuning uchun bizning fermer xo‘jaligi qishloq xo‘jaligi ozuqalari yetishtirib, zotdor sigirlarga berib va sigirlardan sutni sog‘ib olib keyin qadoqlangan sut ishlab chiqarib mazali va sifatli “O‘zimizniki” sutlarini ishlab chiqarishni shundangina mumkinligini hisobga olib, bunday chorva kompleks loyihasini barpo etganmiz!
Irgashev Alisher (iste’molchi): Kelajakda korxonangiz tomonidan “O‘zimizniki” sutlaridan tashqari boshqa turdagi sut mahsulotlarini ham ishlab chiqarish rejalashtirilganmi?
Baxtiyor Anvarov (menejer): Kelajakda korxonamizda sariyog‘, sutli kokteyl, sutli shokolad va shu kabi mahsulotlarni ishlab chiqarishni rejalashtirganmiz.
Tadayeva Ilyana (iste’molchi): Nima uchun sizlar ishlab chiqarayotgan “O‘zimizniki” sutlari mazali va shirin?
Baxtiyor Anvarov (menejer): Sutni mazali va shirin bo‘lishi uchun sigirlar iste’mol qilayotgan kunlik ozuqasi ham mazali bo‘lishi kerak. Biz sigirlarimizga tabiiy va to‘yimli ozuqalarni beramiz. Shuning uchun doimo “O‘zimizniki” sutlari mazali va shirin.
Nasrullo Inoyatov (iste’molchi): Fermer xo‘jaligingiz va ishlab chiqarish korxonangizni tashkil etilishini huquqiy asoslari haqida gapirib bersangiz?
Baxtiyor Anvarov (menejer): Fermer xo‘jaligimiz O‘zbekiston Respublikasi Prezidentining 2008-yil 21-apreldagi “Shaxsiy yordamchi, dehqon va fermer xo‘jaliklarida chorva mollar ko‘paytirishni rag‘batlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qo‘shimcha chora-tadbirlar to‘g‘risida” gi PQ-842-son qarori ijrosini ta’minlash maqsadida tashkil etilgan.
Biserov Arslan (iste’molchi): Mana mahsulotingiz kundan-kunga o‘z xaridorlarini topib ommalashib bormoqda! Mahsulotni yanada ommalashtirish maqsadida qandaydir aksiyalar bo‘ladimi va bugungidek iste’molchilar bilan uchrashuvlar rejalashtirilganmi?
Baxtiyor Anvarov (menejer): Savol uchun katta rahmat. Hozirgi kunda korxonamiz marketologlari tomonidan turli xildagi aksiyalarni loyihalari ustida ishlanmoqda. Tez kunda biz o‘z iste’molchilarimizga katta tuhfalarni taqdim etishni rejalashtirganmiz. Iste’molchilar uchun esa har doim eshigimiz ochiq. Faoliyatimiz bilan yaqindan tanishishni istaganlar uchun har oyda shunday ishlab chiqarish bilan tanishuv va sayohat tashkil etganmiz.
Baxtiyor Anvarov (menejer): Hurmatli korxonamiz mehmonlari avvalo Sizlarni korxonamizda xush ko‘rdik. Ruxsatingiz bilan kelgusidagi ish faoliyatimizni yanada yaxshilash, ishchi xodimlarimiz o‘rtasida sog‘lom raqobat muhitini yaxshilash, ishlab chiqarayotgan mahsulotimiz sifatini yanada yaxshilash hamda mamlakatimiz va jahon bozorida o‘z munosib o‘rnimizni topish maqsadida Sizlardan bugungi ishlab chiqarish jarayoni bilan tanishish va korxonamiz bo‘ylab uyushtirilgan sayohatingiz haqida fikr mulohazalaringizni bilmoqchi edik.
Tolib Usmanov (iste’molchi): So‘ngi so‘z o‘rnida o‘zim bugungi ishlab chiqarish jarayonidan shaxsan mamnunligimni ta’kidlamoqchiman. Avvalo oziq-ovqat mahsulotlarini ishlab chiqarish uchun eng kerakli bo‘lgan barcha gigiyenik talablarga to‘liq amal qilinishi, ishlab chiqarishdagi kadrlarni yoshligi va eng asosiysi barchasi o‘z ishiga sidqidildan va vijdonan yondashuvi, xodimlar uchun yaratilgan sharoitlar, ularning dam olishi va o‘z ustida ishlashi uchun alohida zamonaviy kompyuter jihozlari bilan ta’minlangan xonalarning mavjudligi, ishchi xodimlar o‘rtasidagi munosabatni ko‘rib to‘g‘risi havasim keldi. Qaniydi imkon bo‘lganida inson omili birinchi o‘ringa qo‘yilgan mana shunday korxonada ishlasam.
Islombek Qutfitdinov (iste’molchi): Yuqoridagi sherigimni gaplariga qo‘shilgan holda bir narsani ta’kidlamoqchiman, ishlab chiqarish korxonasi va fermer xo‘jaligi faoliyati bilan tanishib shu narsaga amin bo‘ldimki, ishlab chiqarilayotgan sutlar bejizga “O‘zimizniki” deb nomlanmagan ekan. Barcha jarayonlar, qishloq xo‘jaligi mahsulotlarini ekishdan boshlab savdo rastalariga mahsulotni yetkizilguncha bo‘lgan jarayonlar to‘liq nazoratga olingani, sut ishlab chiqarishdagi barcha jarayonlar zamonaviy avtomatlashtirilgan texnologiyalar bilan jihozlanganligi hamda eng asosiysi yuqoridagi barcha jarayonlar bitta joyda joylashgan yirik kompleksda amalga oshirilishi meni quvontirdi. Avvallari bundayin yirik kompleksni ko‘rmagandim.
Qobiljon Tursunov (iste’molchi): Iste’molchilar gaplarini to‘ldirgan holda shuni aytib o‘tmoqchiman, korxonadagi zotdor sigirlarga berilayotgan e’tiborni ko‘rib lol qoldim to‘g‘risi, yangi tug‘ilgan buzoqchalarni to sog‘in sigir bo‘lgunga qadar har biriga alohida ratsion asosida ozuqa bilan ta’minlanishi, sigirlarning sog‘in xonalari eng zamonaviy kompyuter texnologiyalari borligi qolaversa har bir buzoqcha, sigir va buqalar maxsus elektron chiplar bilan ta’minlanganligi, barchasining pasporti yuritilishi, ularning sog‘lig‘i, vazni, agar kassallangan bo‘lsa u haqdagi ma’lumotlarni markazlashgan kompyuter tizimida ko‘rinishi menda o‘zgacha taassurot qoldirdi. Ishonch bilan ayta olamanki, “O‘zimizniki” sutlari albatta sifatli va shirindir.
Reklama huquqi asosida. Mahsulot sertifikatlangan
Izoh (0)