Турмушда асқотадиган 10 та маслаҳат (фото)

«Какхакер» нашри турмушдаги баъзи вазиятларда ёрдам берадиган маслаҳатларни тақдим этди.

1. Тонал крем қолдирган доғни кетказиш учун…

… кийимни ювишдан аввал, унинг доғ теккан қисмига соқол олиш учун мўлжалланган кўпикдан суринг.

2. Лаб бўёғи изидан халос бўлиш учун…

… соч учун лакдан фойдаланинг. Уни бўёқ теккан жойга сепиб, бир неча дақиқага қолдиринг. Сўнг доғни намлаб, кир ювиш машинасига солинг.

3. Замш пойабзални тозалаш учун…

… тирноқ учун юмшоқ эговни ишлатинг.

4. Чарм этикнинг ранги учган жойларини тозалаш учун…

… юмшоқ тиш чўткаси ва цирка керак бўлади.

5. Лакланган оёқ кийимни ҳаётга қайтариш учун…

… вазелин сурилган пахта тампонини ишга солинг. У ялтираши учун эса ойна тозаловчи воситадан сепинг.

6. Узилмоқчи бўлган тугмани қотириш учун…

… унинг ипига шаффоф лак суринг.

7. Кўзойнакдаги винтчани маҳкамлаш учун…

… ҳам шаффоф лак асқотади.

8. Ёғ доғини бирдан йўқотиш учун…

… идиш-товоқ ювиш воситасини қўлланг. Ундан озгина олиб, доғ жойига суринг ва ишқаланг.

9. Кийимдаги тер изини кетказиш учун…

… лимон шарбати ва ош содаси иш беради. Уларни аралаштириб, доғ жойига суринг, зарур бўлса, бир неча дақиқага қолдиринг. Сўнг чайиб ташлаб, кир ювиш машинасига солинг.

10. Кроссовкадаги бадбўй ҳидни йўқотиш учун…

… спорт машғулотларидан сўнг, унга бироз ош содасидан сепинг, сўнг яхшилаб силкитинг.