Австралиялик ўсмир ўзининг теракт режалаштириш айбини тан олди. У кенгуруга мина ўрнатиб, сўнг уни полициячилар тўпланиб турган жойга қўйиб юбормоқчи бўлган, деб ёзади Reuters.
19 ёшли Севдет Рамазон Бесим полициячиларга 2015 йил 25 апрель куни ҳужум қилишни режалаштирган. Махсус хизматлар ёвуз ниятлининг 15 ёшли британиялик билан ёзишмаларини қўлга киритгач, унинг ниятини фош қилган. Ушбу маълумотларга кўра, у тартиб посбонларининг бошини танасидан жудо қилмоқчи бўлган.
Шу йилнинг январида бўлиб ўтган судда Бесим ўз айбини бутунлай инкор қилган эди, энди эса тан олишга қарор қилди. Айбланувчи умрбод қамоқ жазосига ҳукм қилиниши мумкин.
Изоҳ (0)