Ёнғин келиб чиқиши оқибатида 28 июнь кунининг биринчи ярмида ёпилган Тошкент шаҳрининг Юнусобод туманидаги Mega Planet савдо-кўнгилочар маркази яқин соатлар ичида одатий режимда ўз ишини давом эттиради. Бу ҳақда марказ пресс-релизига таяниб, «Газета.uz» хабар бермоқда.
Mega Planet’даги ҳодиса электротехника таъмирлаш ишлари олиб борилаётган вақтда юзага келгани айтилмоқда. Марказ ва савдо расталарининг барча ходимлари рўй берган кўнгилсиз ҳолат оқибатларини олдини олиш учун эвакуация қилинган.
Махсус хизмат ва марказ ходимларининг тезкор хатти-ҳаракатлари эвазига фавқулодда вазият бартараф этилди.
Аввалроқ Mega Planet’да келиб чиққан ёнғиннинг фото ва видеоси эълон қилинганди.
Изоҳ (0)