Yong‘in kelib chiqishi oqibatida 28-iyun kunining birinchi yarmida yopilgan Toshkent shahrining Yunusobod tumanidagi Mega Planet savdo-ko‘ngilochar markazi yaqin soatlar ichida odatiy rejimda o‘z ishini davom ettiradi. Bu haqda markaz press-reliziga tayanib, “Gazeta.uz” xabar bermoqda.
Mega Planet’dagi hodisa elektrotexnika ta’mirlash ishlari olib borilayotgan vaqtda yuzaga kelgani aytilmoqda. Markaz va savdo rastalarining barcha xodimlari ro‘y bergan ko‘ngilsiz holat oqibatlarini oldini olish uchun evakuatsiya qilingan.
Maxsus xizmat va markaz xodimlarining tezkor xatti-harakatlari evaziga favqulodda vaziyat bartaraf etildi.
Avvalroq Mega Planet’da kelib chiqqan yong‘inning foto va videosi e’lon qilingandi.
Izoh (0)