Toshkent shahrining Yunusobod tumanida joylashgan Mega Planet savdo-ko‘ngilochar markazida yong‘in yuzaga keldi. Bu haqda Facebook’dagi “Voditeli Tashkenta” (DRIVERS.UZ) guruhida fotoxabar qoldirildi.
Post ostida izoh qoldirganlarning ma’lum qilishicha, yong‘in Mega Planet’ning fast-fudlar tayyorlanadigan 4-qavatida yuz bergan.
Ushbu qavatdagi odamlar evakuatsiya qilingan. Yong‘in qisqa tutashuv natijasida ro‘y bergani aytilmoqda.
Xabar chop etilayotgan vaqtda “Voditeli Tashkenta” (DRIVERS.UZ) guruhi foydalanuvchilaridan biri yong‘in bartaraf etilganini ma’lum qildi.