Туркия президенти Ражаб Тоййиб Эрдўғон Россиянинг уриб туширилган Су-24 самолёти учувчисининг ўлими муносабати билан унинг оиласига ҳамдардлик билдирди. Буни Туркия етакчисининг матбуот хизмати тасдиқлади, деб хабар бермоқда «Интерфакс».
«Шуни айтмоқчи эдимки, россиялик учувчи оиласининг қайғусига шерикман ва унга ҳамдардлигимни билдираман. Бўлиб ўтган воқеа учун авф этинг», — деб ёзилган эди мактубда. Ушбу сатрларни Туркия президенти вакили Иброҳим Қалинга таянган ҳолда Hurriyet нашри келтирди.
Ўз навбатида, Туркия мудофаа вазири Фикри Ишиқ, бу мактубга изоҳ бераркан, «Биз Россия билан муносабатларда юз берадиган жиддий силжиш остонасида турибмиз», деди.
Эслатиб ўтамиз, Кремль расмий вакили Дмитрий Песков Эрдўғон Россиянинг Туркия қирувчиси томонидан уриб туширилган Су-24 самолёти учувчисининг ҳалокати юзасидан Путиндан узр сўрагани ҳақида баёнот берди. Туркия раҳбарининг матбуот хизмати даставвал бунга изоҳ беришдан бош тортди.
Изоҳ (0)