Буюк Британия бош вазири Дэвид Кэмерон мамлакатнинг Европа Иттифоқидаги аъзолиги масаласида ўтказилаётган референдумда овоз берди. У Лондон марказидаги сайлов участкасига турмуш ўртоғи Саманта ҳамроҳлигида келди, дея хабар беради «ТАСС».
Евроиттифоқ билан муносабат масаласида референдум ўтказиш ғояси Кэмероннинг ўзига тегишли. У 2013 йили, парламент сайлови кампанияси авж олган пайтда ўзи томонга евротанқидчиларни жалб этиш ва Бирлашган Қироллик мустақиллиги партияси (UKIP) обрўси ошиб боришига чек қўйиш мақсадида шундай қалтис ваъда берганди.
Вазиятнинг чигаллиги шундаки, бош вазирнинг ўзи Евроиттифоқ билан муносабатлар узилишига қарши: Кэмерон шу йил февралида Брюссель билан мамлакатнинг Европа Иттифоқидаги аъзолигининг алоҳида шартларини келишиб олганди.
Изоҳ (0)