Леонардо Ди Каприо The Hollywood Reporter журнали томонидан тузилган шоу-бизнеснинг энг нуфузли вакиллари рейтингида ўнинчи ўринни эгаллади. Бу ҳақда «Газета.ru» хабар бермоқда.
Нашрга кўра, Леонардога «Оскар»ни олиб келган «Омон қолган» деярли бир актёр фильми бўлди ва биринчи галда 41 ёшли Ди Каприо туфайли бутун дунё бўйлаб 532 миллион доллар тўплади. Шунингдек, актёр Ер сайёрасининг экологик муаммоларига алоҳида эътибор қаратмоқда.
Мазкур рейтингнинг биринчи қаторида Walt Disney компанияси президенти Роберт Айгер қайд этилган. Ундан кейин 21st Century Fox эгалари бўлмиш Мердоклар оиласи жойлашган, учинчи ўринда эса CBS медиахолдинги раҳбари Лесли Мунвсни кўриш мумкин.
Шоу-бизнеснинг энг нуфузли вакиллари қаторида нашр режиссёрлар Стивен Спилберг, Жеймс Кэмерон ва Мартин Скорсезе, телебошловчи ва жамоат арбоби Опра Уинфри, актриса Женнифер Лоуренс, актёрлар Брэд Питт ва кичик Роберт Даунини ҳам тилга олган.
Изоҳ (0)