Олий Лига. «Пахтакор» мавсумдаги тўртинчи мағлубиятини «Шўртан»дан қабул қилиб олди

Тошкентнинг «Пахтакор» футбол клуби Олий Лига 13-турида мағлубият аламини тотиб кўрди. Ғузорда «Шўртан» меҳмони бўлган жамоа 1:3 ҳисобида имкониятни бой берди.

• «Пахтакор» Ўзбекистон Кубоги мусобақасини нимчорак финалдаёқ тарк этди

Мамлакат чемпионатининг 10-турида «Нефтчи»дан енгилган «Пахтакор» мураббийлар штабида ўзгариш юз бериб, бош мураббий Нўъмон Ҳасанов истеъфога чиқарилганди. Унинг ўрнида фаолият олиб бораётган Григорий Колосовский бошқарувида «Пахтакор» кетма-кет икки турда зафар қучди. Учинчисида эса мағлуб бўлди.

• 70 дақиқа бир киши камроқ ўйнаган «Нефтчи» Тошкентда «Пахтакор»ни мағлуб этиб кетди

• «Нефтчи»га қарши мағлубиятдан кейин «Пахтакор» устози Нўъмон Ҳасанов истеъфога чиқди

• «Пахтакор»нинг собиқ устози Нўъмон Ҳасанов «Қўқон-1912» бош мураббийи этиб тайинланди

«Пахтакор» мағлуб этилишида Ғузор клубининг миллий терма жамоага аъзо бўлмаган ҳучумчиси Зафар Полвонов муҳим рол ўйнади ва амалдаги чампион дарвозасини уч бор ишғол қилди.

Бу мағлубият «Пахтакор»ни ўзи эгаллаб турган 5-ўриндан пастга тушириб юбориши мумкин. Бунинг учун у билан бир хилда очко жамғарган «Бухоро» ва «Қизилқум» клублари 13-турда очко ишлаб олиши керак бўлади.

13-турнинг 20 июнь санасидан жой олган яна иккита беллашувида ҳам Тошкент шаҳри клублари майдонга тушди. Чемпионлик пойгасида «Локомотив» билан рақобатлашаётган «Бунёдкор» ўз майдонида «Андижон» устидан 2:0 ҳисобида зафар қучди.

Мазкур ғалабасидан кейин «Бунёдкор»да очколар 33 тага етди. «Қалдирғочлар»дан 1 та кам ўйинда иштирок этган «Локомотив» ҳисобида 34 очко бор.

Маълумот учун, «Локомотив»нинг 13-тур доирасидаги «Қизилқум»га қарши ўйини номаълум муддатга қолдирилган. Беллашув 21 июнь куни Тошкент шаҳрида бўлиб ўтиши керак эди.

Душанба кунининг сўнгги ўйини Олмалиқ шаҳрида ўтказилди. «Обод» клубини қабул қилган «Олмалиқ» унда 3:1 ҳисобида зафар қучди. Мазкур ғалаба Игорь Шквирин жамоасини турнир жадвалида 8-ўринга олиб чиқди.

Ўзбекистон Олий Лигаси 13-тур беллашувлари 20 июнь, душанба

«Шўртан» — «Пахтакор» 3:1

Голлар: Зафар Полвонов, 27 (1:0). Шерзод Каримов, 70 (1:1). Зафар Полвонов, 72 (2:1). Зафар Полвонов, 89 (3:1).

«Бунёдкор» — «Андижон» 2:0

Голлар: Шакер Зуаги, 6 (1:0). Достон Ҳамдамов, 41 (2:0).

«Олмалиқ» — «Обод» 2:1

Голлар: Павел Соломин, 33 (0:1). Рўзимбой Аҳмедов, 42 (1:1). Дилшод Ҳамроев, 65-авт (2:1).

13-турнинг яна 4 та беллашуви 21 июнь куни бўлиб ўтади.

21 июнь, сешанба«Машъал» — «Қўқон—1912»«Сўғдиёна» — «Бухоро»«Нефтчи» — «Насаф»«Навбаҳор» — «Металлург»