Oliy Liga. “Paxtakor” mavsumdagi to‘rtinchi mag‘lubiyatini “Sho‘rtan”dan qabul qilib oldi

Toshkentning “Paxtakor” futbol klubi Oliy Liga 13-turida mag‘lubiyat alamini totib ko‘rdi. G‘uzorda “Sho‘rtan” mehmoni bo‘lgan jamoa 1:3 hisobida imkoniyatni boy berdi.

• “Paxtakor” O‘zbekiston Kubogi musobaqasini nimchorak finaldayoq tark etdi

Mamlakat chempionatining 10-turida “Neftchi”dan yengilgan “Paxtakor” murabbiylar shtabida o‘zgarish yuz berib, bosh murabbiy No‘mon Hasanov iste’foga chiqarilgandi. Uning o‘rnida faoliyat olib borayotgan Grigoriy Kolosovskiy boshqaruvida “Paxtakor” ketma-ket ikki turda zafar quchdi. Uchinchisida esa mag‘lub bo‘ldi.

• 70 daqiqa bir kishi kamroq o‘ynagan “Neftchi” Toshkentda “Paxtakor”ni mag‘lub etib ketdi

• “Neftchi”ga qarshi mag‘lubiyatdan keyin “Paxtakor” ustozi No‘mon Hasanov iste’foga chiqdi

• “Paxtakor”ning sobiq ustozi No‘mon Hasanov “Qo‘qon-1912” bosh murabbiyi etib tayinlandi

“Paxtakor” mag‘lub etilishida G‘uzor klubining milliy terma jamoaga a’zo bo‘lmagan huchumchisi Zafar Polvonov muhim rol o‘ynadi va amaldagi champion darvozasini uch bor ishg‘ol qildi.

Bu mag‘lubiyat “Paxtakor”ni o‘zi egallab turgan 5-o‘rindan pastga tushirib yuborishi mumkin. Buning uchun u bilan bir xilda ochko jamg‘argan “Buxoro” va “Qizilqum” klublari 13-turda ochko ishlab olishi kerak bo‘ladi.

13-turning 20-iyun sanasidan joy olgan yana ikkita bellashuvida ham Toshkent shahri klublari maydonga tushdi. Chempionlik poygasida “Lokomotiv” bilan raqobatlashayotgan “Bunyodkor” o‘z maydonida “Andijon” ustidan 2:0 hisobida zafar quchdi.

Mazkur g‘alabasidan keyin “Bunyodkor”da ochkolar 33 taga yetdi. “Qaldirg‘ochlar”dan 1 ta kam o‘yinda ishtirok etgan “Lokomotiv” hisobida 34 ochko bor.

Ma’lumot uchun, “Lokomotiv”ning 13-tur doirasidagi “Qizilqum”ga qarshi o‘yini noma’lum muddatga qoldirilgan. Bellashuv 21-iyun kuni Toshkent shahrida bo‘lib o‘tishi kerak edi.

Dushanba kunining so‘nggi o‘yini Olmaliq shahrida o‘tkazildi. “Obod” klubini qabul qilgan “Olmaliq” unda 3:1 hisobida zafar quchdi. Mazkur g‘alaba Igor Shkvirin jamoasini turnir jadvalida 8-o‘ringa olib chiqdi.

O‘zbekiston Oliy Ligasi 13-tur bellashuvlari 20-iyun, dushanba

“Sho‘rtan” — “Paxtakor” 3:1

Gollar: Zafar Polvonov, 27 (1:0). Sherzod Karimov, 70 (1:1). Zafar Polvonov, 72 (2:1). Zafar Polvonov, 89 (3:1).

“Bunyodkor” — “Andijon” 2:0

Gollar: Shaker Zuagi, 6 (1:0). Doston Hamdamov, 41 (2:0).

“Olmaliq” — “Obod” 2:1

Gollar: Pavel Solomin, 33 (0:1). Ro‘zimboy Ahmedov, 42 (1:1). Dilshod Hamroyev, 65-avt (2:1).

13-turning yana 4 ta bellashuvi 21-iyun kuni bo‘lib o‘tadi.

21-iyun, seshanba“Mash’al” — “Qo‘qon—1912”“So‘g‘diyona” — “Buxoro”“Neftchi” — “Nasaf”“Navbahor” — “Metallurg”