Россия президенти Владимир Путин халқаро ахборот агентликлари раҳбарлари билан учрашувда допинг қабул қилганлик учун шахсий жавобгарлик зарурлигини маълум қилди. Бу ҳақда «Газета.ru» хабар бермоқда.
«Жавобгарлик доим аниқ бир шаҳсга қаратилган бўлиши лозим. Агар оила аъзоларингиздан кимдир ҳуқуқбузарлик содир этган бўлса, бунинг учун оиладагиларнинг барчаси, жумладан, сизнинг ҳам жавобгарликка тортилишингиз адолатдан бўладими? ‘Тоза’ спортчилар нима учун азият чекиши кераклиги менга умуман тушунарсиз. Бу борада ҳам қандайдир ечим топишимизга умид қиламан. Аразлаб, ‘бўлди, допинг билан курашмаймиз’, дейиш ниятимиз йўқ. Аксинча, допинг билан курашни янада кучайтирамиз», — дея таъкидлаган Путин.
Эслатиб ўтамиз, 17 июнь, жума куни енгил атлетика федерациялари халқаро уюшмаси (IAAF) кенгаши россиялик спортчиларнинг 2016 йилда Рио-де-Жанейрода ўтадиган Олимпия ўйинларида иштирок этишига рухсат бермади. Шунингдек, Бутунроссия енгил атлетика федерацияси дисквалификацияси кучда қолдирилди.
Изоҳ (0)