Тошкентдаги Франция элчихонаси ҳудудида қурилиш ишлари олиб борилаётганлиги муносабати билан элчихона 2016 йил 20 июндан бошлаб бир ҳафта давомида ташриф буюрувчиларни қабул қилмайди. Шу боис 20—24 июнь кунлари Визалар бўлими ёпиқ бўлади ва визага ҳужжатларни қабул қилмайди. Бу ҳақда элчихона матбуот хизмати хабар бермоқда.
Францияга ёки Тошкентдаги Франция элчихонаси виза берадиган бошқа бир давлатга яқин кунларда боришни режалаштирган шахслар учун қулайлик яратиш мақсадида, Визалар бўлими 13—17 июнь кунлари соат 9:00 дан 12:00 гача ва 15:00 дан 17:30 гача визага ҳужжатларни топширувчиларни қабул қилади. Визалар бўлимига элчихонанинг асосий дарвозаларидан кирилади.
27 июндан бошлаб, визага ҳужжатларни топширувчилар TLS Contact компанияси орқали олдиндан қабулга ёзилган бўлиши шарт. Ушбу хизмат 20 июндан бошлаб ишга тушади.
Изоҳ (0)