Францияда Авиценна номидаги халқаро мукофот таъсис этилди, деб ёзади «Газета.uz» «Жаҳон» ахборот агентлигига таяниб. У буюк олимнинг тиббиёт, фалсафа ва маданият соҳасидаги илмий ва инсонпарварлик меросини илгари суриш, таълим ва фан, маданият ва цивилизация борасидаги алоқаларни ривожлантиришга қаратилган.
«Ушбу мукофотга халқаро илмий жамоатчиликнинг атоқли вакиллари, тиббиёт соҳасидаги ходимлар ва экспертлар, шунингдек, тиббиёт даҳосининг илмий ва инсонпарварлик ғояларини ўрганиш ва илгари суриш билан шуғулланадиган ташкилотлар сазовор бўлиши мумкин», — деди «MED21 дастури» ассоциацияси президенти профессор Муҳаммад Нодир Азиз.
Мукофотни тақдирлаш маросими Франция Миллий тиббиёт академиясида бўлиб ўтди. «МЕD21 дастури» ва «Авиценна-Франция» ассоциациялари, шунингдек, Франция тиббиёт академияси вакилларидан иборат ҳайъат қарорига кўра, мукофотнинг илк совриндорлари аниқланди.
Олти совриндор орасида Ўзбекистон Фанлар академияси ва Ўзбекистондаги «Инб Сино» жамоатчилик жамғармаси бор.
Изоҳ (0)