Россиялик Facebook фойдаланувчиси Бухоро шаҳрига ташриф буюриб, олган таассуротлари билан ўртоқлашди.
У, аввало, бухороликларнинг бағрикенглигидан ҳайратга тушганини қайд этди. Улар «бошқача» фикрлайдиган, «бошқача» кийинадиган ва «бошқача» тилда гаплашадиганларга назокат билан муносабатда бўлинишини таъкидлади.
Ўзи гувоҳ бўлган дўстона муносабатга алоҳида тўхталиб ўтди. «Кўчанинг охиригача етгунингизча, беш—олти марта тўхтаб, ҳол-аҳвол сўрашишади. Бир-бирининг берган саволини ва жавобини жон қулоғи билан эшитади», — дейилади постда.
Россиялик меҳмон, шунингдек, қўшнилар бир-бирига доим ёрдам кўрсатишини, бир-бирининг болаларини, уларнинг қайси кунда туғилгани-ю, қандай касал бўлгани — барчасини яхши билишини айтиб, ҳайратини яширмади.
«Менга аввал барча ‘-истон’лар бир хил бўлиб туюларди. Нима фарқи бор? Қозоғистон, Қирғизистон, Ўзбекистон, Тожикистон. Жазирама, мевалар — бўлди. Аслида эса улар турли-туман ва ажойиб экан», — дея хулоса билдирди россиялик меҳмон.
Изоҳ (0)