Портлаш хавфи сабаб Урганчга фавқулодда қўнган самолёт, ўлимидан тўрт ой ўтиб фарзанд туққан аёл, АҚШ президентлиги учун биринчи аёл номзод ва куннинг бошқа муҳим хабарлари

8 июннинг эътиборга молик янгиликлари — «Дарё»нинг кечки дайжестида.

1. Урганчга фавқулодда қўнган EgyptAir самолёти бортидан портловчи ускуна топилмади, лайнер Пекинга учиб кетган. Самолёт бортида портловчи ускуна борлиги тахмин қилингани учун Урганч аэрпортига фавқулодда қўнган эди.

2. Жаҳон банки Ўзбекистонда ЯИМ ўсиши 7,5 фоизни ташкил этишини тахмин қилди. 2017- ва 2018 йиллар бўйича прогнозлар бундан бироз яхшироқ.

3. Қозоғистонда 9 июнь миллий мотам куни деб эълон қилинди. Миллий мотам Ақтўбе шаҳрида содир этилган қўпорувчилик ҳаракатлари қурбонлари хотираси учун эълон қилинган.

4. Клинтон ғалабани нишонлаб, ўзини АҚШ президентлиги учун биринчи аёл номзод деб атамоқда. «Биз муҳим босқичга эришдик — мамлакатимиз тарихида илк бор аёл киши АҚШ президентлик лавозими учун йирик партиянинг номзодига айланади», — дея таъкидлади Ҳиллари Клинтон.

5. Португалиялик аёл ўлимидан 4 ой ўтиб фарзанд кўрди. Аёлнинг мияси шу йилнинг февраль ойида ўлган эди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.