Тошкентдаги Инҳа университети TOEFL тестларини ўтказиш ҳуқуқини қўлга киритди

2016 йилнинг июнь ойида, Тошкент шаҳридаги Инҳа университети (IUT) TOEFL iBT® нинг интернет талқинини ишлаб чиққан ETS ташкилотидан тест ўтказишга рухсат олди ҳамда TOEFL iBT® тестларининг сертификатланган маъмурий марказига (CTAS – Certified Test Administration Site) айланди. Бу ҳақда университет матбуот хизмати «Дарё»га хабар берди.

TOEFL® (Test of English as a Foreign Language) – бу инглиз тили бўйича халқаро имтиҳон. TOEFL® нинг асосий мақсади – инглиз тилиси она тили бўлмаганларнинг тайёргарлик даражасини баҳолашдир. Ҳозирги пайтда TOEFL дунёнинг 130 мамлакатидаги 9 мингдан ортиқ олий ўқув юртларида тан олинади.

Қайд этиш жоизки, TOEFL ёки IELTS сертификатини зарур баллар билан тақдим этилиши (факультетларга қараб), Тошкент шаҳридаги Инҳа университетига, шунингдек, Тошкент шаҳридаги хорижий олий ўқув юртларининг филиалларига ўқишга кириш учун асосий талаблардан бири ҳисобланади.

IUT’даги TOEFL iBT бўйича дастлабки имтиҳонлар 18 июнь ва 25 июнь кунлари ўтказилади.