Меҳнат вазири Азиз Абдуҳакимов раҳбарлигидаги Ўзбекистон делегацияси Женевада Халқаро меҳнат ташкилоти (ХМТ) бош директори Гай Райдер билан учрашди, дея хабар бермоқда «Газета.uz» вазирлик матбуот хизматига таяниб.
105-Халқаро меҳнат конференцияси доирасида бўлиб ўтган учрашувда, шунингдек, ХМТнинг етакчи бўлимлари раҳбарлари қатнашди.
Гай Райдер Ўзбекистоннинг ХМТ конвенцияси доирасидаги мажбуриятларни бажаришдаги очиқлиги ва содиқлигини, шунингдек, халқаро меҳнат стандартлари амалга оширилишидаги прогрессни қайд этди.
ХМТ раҳбари ташкилот Ўзбекистоннинг аҳоли бандлиги ва ижтимоий ҳимояни таъминлашга қаратилган ишлар бўйича масалаларни ечиш борасидаги интилишларини қўллаб-қувватлашда давом этишини айтди.
Изоҳ (0)