Ўзбекистонда 2016 йил бошида тақдим этилган Sony Xperia M4 Aqua (Dual) смартфони сотила бошлади, деб ёзади «Mobinfo.uz».
Телефон IP68 стандарти бўйича сувдан ҳимояланган корпусга эга, бу 1,5 метргача чуқурликдаги чучук сувда 30 дақиқа давомида қолиб кетган тақдирда ҳам, қурилмага зиён етмаслигини кафолатлайди.
Смартфон 5,2 дюймли IPS-дисплей, саккиз ядроли Snapdragon 615 процессори, 13 мегапикселли асосий ва 5 мегапикселли олд камера, 2 Гб тезкор ва 16 Гб ички хотира, 2400 мА/соат сиғимли аккумуляторга эга. Телефон Android 5.0 Lollipop операцион тизимида ишлайди.
Тошкентдаги «Флешка» савдо марказида Xperia М4 Aqua (оқ рангли корпусда) 1,2 миллион сўмдан сотилмоқда.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.