Америка Кубоги—2016. Аргентина мусобақани амалдаги чемпионни мағлуб этиш билан бошлади

АҚШда давом этаётган футбол бўйича Копа Америка—2016 мусобақасида 1-тур беллашувлари тўлиқ якунланди.

Турнирнинг «D» гуруҳида кураш олиб бораётган Аргентина ва Чили терма жамоалари ўртасидаги беллашувда Херардо Мартино бошчилигидаги аргентиналик футболчилар 2:1 ҳисобида зафар қучди. Қайд этиш керак, бу икки терма жамоаси 2015 йил Чилида бўлиб ўтган Копа Америка—2015 да финалга қадар етиб борганди.

Учрашувда ҳисоб Анҳель Ди Мария томонидан очилди. Орадан 9 дақиқа ўтиб «Севилья» аъзоси Эвер Банега ҳисобни 2:0 кўринишига олиб келди. Ва фақатгина 90-дақиқада чилилик футболчилар ҳисобни қисқартиришга муваффақ бўлди.

Гуруҳдаги бошқа бир жуфтликда Панама Боливия устидан 2:1 ҳисобида ғалаба қозонди. Маълумот учун, 1-турда КОНКАКАФ минтақаси термаларидан фақатгина Панама рақибини мағлуб эта олди. Унга қадар АҚШ, Коста-Рика, Гаити, Ямайка, Мексика каби мамлакат бош жамоалари ғолиб чиқа олмаганди.

8 июнь тонггида «А» гуруҳи иштирокчилари 2-турни бошлаб беради. Унда АҚШ — Коста-Рика, Колумбия — Парагвай ўйинлари бор.

Америка Кубоги—2016 «D» гуруҳи. 1-тур 7 июнь, душанба

Аргентина — Чили 2:1

Панама — Боливия 2:1