6 июнь, душанба куни Time журналининг муқовасида шу ҳафтада вафот этган афсонавий боксчи Муҳаммад Али фотоси жойлаштирилган махсус сони чоп этилади. Бу ҳақда «ТАСС» хабар бермоқда.
«Муҳаммад Алининг муқовада пайдо бўладиган расми ХХ асрнинг сермаҳсул сураткашларидан бири Филипп Халсман томонидан 1963 йили олинган. Унда объектив камераси қаршисида бокс тушаётган Али тасвирланган. Унинг остига қора рангда ‘Энг буюк. Муҳаммад Али. 1942—2016’ ёзуви туширилган», — маълум қилди таҳририят.
Time муқовасида пайдо бўлиш шарафига энг машҳур ва нуфузли сиёсатчилар, жамоат арбоблари, спортчилар ва шоу-бизнес вакиллари сазовор бўлади. Али ҳаёти давомида тўрт бор бунга эришганди. Унинг биринчи фотоси журналда 1963 йил мартида, боксчи Кассиус Клей исми-шарифи билан танилган вақтда чиққанди.
Изоҳ (0)