Америкалик афсонавий боксчи, оғир вазн тоифасида уч карра жаҳон чемпиони Муҳаммад Али билан хайрлашув ва дафн маросими 10 июнь, жума куни ўзи туғилиб ўсган Луисвилль шаҳрида (Кентукки штати) бўлиб ўтади. Бу ҳақда, AFP манбаларига таяниб, «ТАСС» хабар бермоқда.
Муҳаммад Али 3 июнь куни 74 ёшида Аризона штатининг Финикс шаҳридаги шифохоналардан бирида жон берди. Марҳум боксчи нафас олишга қийналаётгани сабабли шифохонага етказилган ва у ерда бир неча кун ўтказган эди. У 32 йил давомида Паркинсон хасталигидан азият чекди.
Профессионал фаолияти давомида Муҳаммад Али 61 та жанг ўтказиб, 56 тасида (шулардан 37 тасида нокаут билан) ғалаба қозониб, 5 тасида мағлубиятга учраган. У 1960 йилги Олимпиада чемпиони бўлган, 1999 йилда эса «Аср спортчиси» деб тан олинганди.
Изоҳ (0)