АҚШ президенти Барак Обама ва рафиқаси Мишель бутун дунё билан бирга боксчи Муҳаммад Алининг вафоти муносабати билан мотам тутмоқда, деб ёзади «Интерфакс».
«Муҳаммад Али дунёни ларзага келтирди. Ва дунё бундан фақат яхшилик кўрди. Бизнинг барчамиз бундан яхшилик кўрдик. Мишель ва мен унинг оиласига энг чуқур ҳамдардлик изҳор этамиз», — дейилади президент баёнотида.
Обама, шунингдек, ўз ишхонасида Алининг бир жуфт бокс қўлқопини сақлашини тан олди. Қўлқоп, президент сўзларига кўра, «22 ёшли чемпион Сонни Листоннинг тепасида шер каби ўкириб тургани акс этган машҳур сурат тагига» осиб қўйилган.
Эслатиб ўтамиз, америкалик афсонавий боксчи, инсон ҳуқуқлари курашчиси, оғир вазн тоифасида уч карра жаҳон чемпиони Муҳаммад Али 74 ёшида вафот этди.
Изоҳ (0)