Америка Кубоги–2016. АҚШ терма жамоаси очилиш ўйинида Колумбияга енгилди
Америка Қўшма Штатларида футбол бўйича Америка Кубоги–2016 мусобақаси старт олди. Турнирнинг очилиш ўйинида АҚШ терма жамоаси Колумбияга қарши баҳс олиб борди ва 0:2 ҳисобида имкониятни бой берди. Бу ҳақда «Sports.ru» хабар бермоқда.
Учрашувнинг 8-дақиқасида Сапата бурчакдан узатилган тўпга аниқ зарба бериб ҳисобни очган бўлса, 42-дақиқада Хамес Родригес пенальтидан унумли фойдаланди ва жамоасининг 2:0 ҳисобидаги ғалабасига ўз ҳиссасини қўшди.
«Sports.ru»нинг хабар қилишича, Колумбия терма жамоаси сардори, «Реал» ярим ҳимоячиси Хамес Родригес иккинчи бўлимда рақиб футболчиси Майкл Брэдли билан тўқнашиб, елкасидан жароҳат олди. Шифокорлар ёрдамидан сўнг футболчи майдонга қайта олди, аммо, 73-дақиқада захирага олинди.
«А» гуруҳининг иккинчи ўйинида Коста-Рика ва Парагвай термалари ўзаро баҳс олиб боради.
Америка Кубоги–2016«А» гуруҳи, 1-тур
АҚШ – Колумбия 0:2 (0:2)
Голлар: 0:1 – 8 Сапата, 0:2 – 42, пенальти Хамес.АҚШ – Гьюзан, Йедлин, Кэмерон, Брукс, Жонсон, Бедойя (Зуси, 86), Брэдли, Жонс (Нагбе, 66), Зардес, Демпси, Вуд (Пулишич, 66).
Колумбия – Оспина, Арьяс, Сапата, Мурильо, Диас, Перес (Санчес, 86), Торрес, Куадрадо, Хамес (Селис, 73), Кардона, Бакка (Морено, 88).
Огоҳлантириш: Бедойя (57).
