Чет эллик хакерлар Саудия Арабистони марказий газетаси — «Ал-Ватан» веб-сайтига ҳужум қилди ва Ямандаги ҳарбий операция ҳақида ёлғон фактлар жойлаштирди, деб ёзади «Интерфакс» Ғарб ОАВларига таяниб.
Улар бироз вақт давомида сайтни бошқариб турди ва ёлғон хабарларни жойлаштирди, улар орасида меросхўр шаҳзода Муҳаммад ибн Наиф ал-Сауднинг сохта баёноти ҳам бор эди. Ямандаги операция режалаштирилганидан кўра узоқроқ давом этгани ҳақидаги гап шаҳзоданинг нутқидан парча сифатида келтирилди.
«Бу ҳақиқатга тўғри келмайди», — дея таъкидлади нашр ходимлари.
Ёвуз ниятлилар томонидан чоп этилган сохта маълумотларни кейинроқ Саудия Арабистонига танқидий муносабатда бўлган, Эронга тарафкашлик қиладиган қатор араб янгилик сайтлари кўчириб ёзди.
Изоҳ (0)