2 июнь, пайшанба куни Россиянинг Белгород вилояти Чернянский туманидаги Русская Халань қишлоғида тўрт кишининг жасади топилди, деб ёзади «Интерфакс» Россия Тергов қўмитасининг ҳудуд бўйича тергов бошқармасига таяниб. Марҳумларнинг барчаси битта оила аъзолари бўлиб, улар орасида ёш бола ҳам бор.
Дастлабки маълумотларга кўра, қишлоқнинг 33 ёшли фуқароси дарахтга бўйнидан осилган ҳолда топилган. Кейинроқ унинг уйида 34 ёшли хотини, 3 ёшли қизи ва 49 ёшли қайнонасининг жасадлари қатл белгилари билан аниқланган.
Эркак шахсиятга қарши жиноят учун муқаддам судланган, спиртли ичимликларни суиистеъмол қилган, оиласида жанжаллар уюштирган.
Ҳодиса юзасидан жиноят иши қўзғатилган. Айни пайтда воқеа жойида тергов-тезкор гуруҳ ишламоқда.
Изоҳ (0)