Brent маркасидаги нефть нархи ўтган йил охиридан буён биринчи марта савдолар ёпилиши чоғида 50 доллардан юқори кўрсаткичга эга бўлди, деб ёзади «Интерфакс».
Лондоннинг ICE Futures биржасида Brent нефтининг август фьючерслари қиймати Тошкент вақти билан 9:55 да 1 центга пасайиб, баррелига 50,03 долларни ташкил этди.
WTI нефтининг июлдаги фьючерси нархи эса Нью-Йорк товар биржасида бу вақтга келиб 2 центга — баррелига 49,15 долларгача пасайди.
Нашр эслатишича, 2 июнь, пайшанба куни АҚШ энергетика вазирлиги мамлакатда нефть товар захиралари ўтган ҳафтада 1,37 миллион баррелга камайганини эълон қилди.
Изоҳ (0)