БМТ Хавфсизлик Кенгаши Шимолий Корея томонидан амалга оширилган охирги ракета синовларини қоралади. Бу ҳақда «Газета.ru» хабар бермоқда.
«БМТ Хавфсизлик Кенгаши аъзолари КХДРнинг баллистик ракеталар билан боғлиқ барча ҳаракатлари, жумладан, бир қанча муваффақиятсиз синовларини ҳам қоралайди, бу ҳаракатлар Шимолий Корея томонидан ядро қуролини элтиш тизимлари ишлаб чиқаришга қаратилган уринишларнинг бир қисми ва улар кескинликни кучайтиришга олиб келади деб ҳисоблайди», — дейилади кенгаш баёнотида.
Шунингдек, кенгаш баёнотида БМТга аъзо давлатлар КХДРга қарши чораларни фаол қўллаш, хусусан, банк секторига нисбатан санкциялар жорий этишга чақирилган.
Эслатиб ўтамиз, олдинроқ Япония, АҚШ ва Жанубий Корея Пхеньянга нисбатан босимни кучайтиришга келишиб олгани ҳақида хабар берилганди.
Изоҳ (0)