30 июндан бошлаб беш ҳафта давомида Американинг Гавайи оролларининг Тинч океанидаги акваториясида ўтказиладиган RIMPAC-2016 халқаро ҳарбий-денгиз манёврларида 27 та мамлакат иштирок этади, дея хабар бермоқда «ТАСС».
Ушбу ўқув машғулотлари RIMPAC’нинг 45 йиллик тарихидаги энг йиригига айланади.
АҚШ ҳарбий-денгиз кучларининг Тинч океани шарқий қисми учун жавобгар бўлган учинчи флоти Гавайи ҳудудида ва Калифорния штатининг жанубий қисми акваториясида ўқув машқлари доирасида манёврлар ўтказади. RIMPAC-2016 да жами 45 та кема, бешта сувости кемаси ва 200 дан ортиқ ҳаво кемалари қатнашади.
Бу йил RIMPAC’да биринчи марта Бразилия, Германия, Дания ва Италия иштирок этади. Хитой ҳарбий-денгиз кучлари кемалари эса ушбу манёврларга иккинчи марта жалб этилади.
Изоҳ (0)