Туркия президенти Ражаб Тоййиб Эрдўғон Россия билан муносабатлар яхшиланишини исташини, аммо Москва Анқарадан қандай «биринчи қадам»ни кутаётганини тушунмаслигини айтди, деб ёзади «РБК».
Эрдўғон таъкидлашича, мамлакатлар алоқаларни яхшилаш учун биргаликда ишлаши керак. Шу билан бирга, у муносабатлар «учувчининг хатоси» туфайли қурбон қилинган бўлиши мумкинлигидан хавотир билдирди.
27 май куни Грецияга ташрифи якунларига кўра, Россия президенти Владимир Путин Россия Туркия билан алоқаларни қайта тиклаш истагида эканлигини, бироқ Анқара бунинг учун «маълум қадамлар»ни амалга оширмаганини айтган эди.
Путин Туркия Россиядан кечирим сўрамагани, шунингдек, етказилган зарарни қоплашга тайёрлик ҳақида баёнот бермаганини эслатди.
Изоҳ (0)