Курдлар Ас-Саурага ҳужумлар чоғида 12 та қишлоқни озод қилди

«Сурия демократик кучлари» (СДК) Суриянинг Ас-Саура (у Табка деб ҳам номланади) шаҳрига ҳужумларни давом эттирмоқда, деб ёзади «ТАСС» курдларнинг YPG қўшинларига таяниб. Бир кеча-кундузда улар 12 та қишлоқни ИШИД террорчилик гуруҳи жангарилари қўлидан озод қилди.

«Кўп сонли жангарилар ҳалок бўлди, бизнинг қўлимиздаги марҳумларнинг ўзи 15 нафар», — дейилади СДК асосини ташкил қилувчи YPG қўшини  баёнотида.

Таъкидланишича, курд исёнчилари қурол-аслаҳалар, хусусан, иккита РПГ гранатомёти ва 12 та Калашников автоматини ўлжа қилиб олган.

«Сурия демократик кучлари» кўрган талафот маълум қилинмаяпти.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.