Беркли университетининг бир гуруҳ олимлари фикрни ўқиб, уни рақамли товушли ахборотга айлантириш имконини берувчи технологияни ишлаб чиқди, деб ёзади «Hi-tech.mail.ru». Бу нутқида нуқсонлари бўлган беморларга бошқа одамлар билан мулоқот қилишда ёрдам беради.
Олимлар бир неча йиллар давомида сўзларни талаффуз қилиш чоғида одамлардаги мия фаоллигини тадқиқ қилди. Натижада улар фикрни ўқишга ва уларни сўз сифатида акс эттиришга муваффақ бўлди.
Тадқиқотчилар нутқ фаолияти бузилган кишилар учун махсус қурилма ишлаб чиқишни режалаштирмоқда. У мия сигналларини «ўқийди», уларни сўзга айлантиради ва динамика ёрдамида айтиб беради. Бу беморларга бошқа одамлар билан мулоқотда бўлиш имконини беради.
Айни пайтда технология ишлаб чиқиш босқичида турибди. Аммо олимлар одамнинг фикрини сўз қилиб айтиб берадиган тўла-тўкис компьютер моделини яратишга эришганини маълум қилди.
Изоҳ (0)