Канадалик модель селфисида тилини чиқариб турган шаҳзода Гарри пайқалди

Канадалик модель Уинни Харлоу ва унинг агенти олган фотода тилини чиқариб турган Буюк Британия шаҳзодаси Гарри пайқаб қолинди. Бу ҳақда «Корреспондент.net» хабар берди.

Селфида қироллик оиласи аъзоси модель ва унинг агенти ортида ўтирганини кўриш мумкин. Камерани пайқаб, Гарри бироз ўйинқароқликка берилган.

Уинни Харлоу «Америкалик топ-модель» шоусининг 21-мавсумида иштирок этган. Витилигога (песлик) чалинган модель ўзининг ноодатий қиёфасидан танага ижобий муносабат ва ирқий тенглик ғояларини илгари суришда фойдаланмоқда.