Россия президентининг матбуот котиби Дмитрий Песков Кремлда миллий криптовалютани яратиш ғояси муҳокама этилмаётганлигини маълум қилди. Бу ҳақда «РБК» хабар бермоқда.
«Йўқ, Кремлда бундай ғоя муҳокама этилмаяпти», — деди у журналистларнинг саволларига жавоб бериш жараёнида.
Аввалроқ «Коммерсантъ» нашри «Росфинмониторинг» директори ўринбосари Павел Ливаднийнинг баёнотига таяниб, Россияда криптовалюта пайдо бўлиши мумкинлигини хабар қилган эди.
2015 йилнинг сентябрида Qiwi тўлов тизими битрубль номини олувчи криптовалютани муомалага чиқаришни режалаштираётганлигини маълум қилган эди.
Шу билан бир пайтда, ўтган йилнинг сентябрь ойида Молия вазирлиги криптовалютадан фойдаланганлик учун жазони кўзда тутувчи қонун лойиҳасини ишлаб чиққан эди.
Изоҳ (0)