Россия ўз кимёвий қуроллари захирасининг яна 6,5 фоизини йўқ қилиши керак. Бу ҳақда Кимёвий қуролни хавфсиз тарзда сақлаш ва йўқ қилиш федерал бошқармаси бошлиғи Валерий Капашин маълум қилди, деб ёзади «ТАСС».
Апрелда Капашин Россияда 37 минг тоннадан ортиқ заҳарли моддаларни йўқ қилиб бўлишганини, бу мавжуд захираларнинг қарийб 93 фоизига тенг эканлигини айтган эди.
Унинг сўзларига кўра, айни пайтда йўқ қилиш суръатлари пасайган, чунки артиллерия ўқ-дориларини тугатиш ишлари бормоқда. «Бу тонналаб йўқ қилинадиган авиация ўқ-дорилари эмас, бу ерда граммда ўлчанади. Шу туфайли жараён оғир ва суст бормоқда. Аммо 2018 йил декабригача биз барчасини йўқ қилиб бўламиз», — деди Капашин.
Изоҳ (0)