Флоренция (Италия) соҳилбўйиларидан бирига қўйилган 20 дан ортиқ автомобиль ўпирилиш туфайли еростига қулади. Бу ҳақда ANSA хабар бермоқда.
Натижада 200 га етти метр атрофидаги жарлик пайдо бўлди. Ҳодиса маҳаллий вақт билан эрталабки 6:30 да, соҳилбўйида одамлар йўқ пайти рўй берди, шу боис қурбонлар бўлмади. Шаҳар мэри Дарио Нарделлага кўра, «ўпирилиш туфайли ўта жиддий зарар кўрилган».
Юз берган ҳодиса сабаблари ҳозирча маълум эмас. Тахминлардан бирига кўра, ўпирилишга шаҳарнинг бош сув артерияси — Арно дарёси таъсир кўрсатган, бошқасига кўра тупроққа гидрозарба туфайли шикастланган йирик сув қувурларидан биридан сув сизган. Мутахассислар жарлик кенгаймаслиги устида ишламоқда.
Изоҳ (0)