Ўзбекистон Республикаси Олий ва ўрта махсус таълим вазирлиги пойтахт ҳамда бир қатор вилоятлардаги олий таълим муассасаларида ўқув йилини 10 июнга қадар якунлаш ҳақида кўрсатма берди. Бу ҳақда вазирликка таяниб, «Газета.uz» хабар бермоқда.
Ўқув жараёни жадвалининг ўзгариши Тошкент шаҳри, шунингдек, Бухоро, Самарқанд ва Хоразм вилоятларидаги олий ўқув юртларига (жумладан, филиаллар ҳам) тегишли бўлади. Юқорида кўрсатиб ўтилган санага қадар барча назорат ишлари якунланиб, квалификация ишлари ва магистрлик диссертациялари ҳимояси ўтказиб бўлиниши керак.
Қайд этиш жоизки, ОТМлар ўқув режалари ва шундан келиб чиққан ҳолда, академик йил давомийлигидаги фарқларга қарамай, талабалар одатда июнь охирида ўқишни якунларди.
Олдинроқ Тошкент, Самарқанд, Бухоро ва Урганч олий таълим муассасаларида ўқув йилини 15 июнга қадар якунлаш режалаштирилаётгани билдирилганди.
Изоҳ (0)