«Ўз ўрмонингни ярат» экологик акцияси 22 май, якшанба куни Тошкент вилоятида «Чимён ўрмонининг қайта тикланиши» экологик ташаббуси доирасида бўлиб ўтди, деб ёзади «Газета.uz».
Халқаро биологик хилма-хиллик куни (22 май)га бағишланган тадбир иштирокчилари тоғ ёнбағирларига Бурчимулла ўрмон хўжалиги томонидан тақдим этилган ёввойи олма дарахти кўчатлари ҳамда Қурғоқчил ҳудудларда қишлоқ хўжалик тадқиқотлари халқаро маркази тақдим этган писта дарахти кўчатларини экди.
«Чимён ўрмонининг қайта тикланиши» ташаббуси Ўрмон васийлик кенгаши иштироки ва кўмагида учинчи йил амалга оширилмоқда. Бу йил акцияга Тошкент давлат аграр университети талабалари ва «Ўзбектуризм» компаниясининг Республика илмий-ўқув консалтинг маркази ходимлари қўшилди.
Изоҳ (0)